تليفونى اتسرق اعمل اي

https://rightaclick.com/تليفونى-اتسرق-اعمل-اي/
شارك هذه المقالة مع أصدقائك!

تليفونى اتسرق اعمل اي  مقدما من موقع كليك يمين تليفوني اتسرق ومعايا السيريال تليفونى اتسرق ازاى اعرف مكانه موبايلي اتسرق اعمل ايه وارجعه تليفونى اتسرق وعايز ارجع الخط موبايلي اتسرق ورجعته تليفونى اتسرق وعايز اعرف مكانه موبايلى ضاع وعليه صورى موبايلك اتسرق و بتتصل بيه مغلق؟ تمام اوى، سيبك من اي ابلكيشن ولا find my device ولا الهري ده كله، كل ده يتمسح لان اللي خده بيعمل ضبط مصنع

علشان تجيب موبايلك ركز في الموضوع ده، و ان شاء الله تليفونك هيرجع بنسبة 95% .. اتسرق مني هونر 8 ورجعته في شهر و نص .. ودي خلاصة تجربتي،

خطوات استرجاع الهاتف المسروق

 

  • متعملش محضر في القسم مباشرة  الموضوع ببساطة تتوجه لـ (مباحث التليفونات)  اللي حضرتك تابع ليها و بتعرف ده بأنك تتصل بيهم  و هما هيدلوك و ممكن تكلم الشرطة او ١٤٠ هيدلك على اقرب  مباحث تليفونات تتوجه لها و مواعيدها ايه،
  • انا في حالتي توجهت مباحث شرق القاهرة  فوق سنترال الماظة طلعت الدور الرابع لقيت مكتب قاعد فيه واحد و كان فيه طابور صغير  ٣ أشخاص قدامي ضايع منهم تليفوناتهم (ابتديت احس بالامان لما لقيت اللي قدامي بيقول دي تاني مرة موبايلي يتسرق و اجيبه)

 

ما هى الادوات التى تساعدك على استرجاع هاتفك المسروق

لما جه الدور عليا الراجل طلب مني الآتي

(بطاقتي، و صورة منها، و علبة التليفون الاصلية ومحتوياتها الاصلية اللي فاضلة معايا، و صورة من العلبة من الناحية اللي فيها السيريال وارقام الشرائح اللي كانت في التليفون قبل ما يتسرق)

 

  • و هو اللي بيعملك المحضر بنفسه نيابة عن القسم  وبتحتفظ برقم المحضر ده عندك (مهم جدا)،

 

(اتاكد كويس من الارقام رقم رقم وارقام شرائح التليفون اللي كانت فيه علشان يتأكدوا انك انت صاحبه فعلا)

المهم تتعامل مع الموظف ده باحترام و توصيه باسلوب طيب و محدش طلب مني أي بقشيش او فلوس نهائي رغم اني بصراحة عرضت عليه فلوس في ايده و رفض .. بس كده انت خلصت،

كيف تسترجع مباحث التليفونات الهواتف المسروقة

اول ما الموبايل هيتفتح ويتحط فيه شريحة تانية

هيوصلها اشارة برقم الشريحة اللي فيه و هما بنفسهم اللي هيكلمولك صاحبها علشان يخوفوه بالذوق و يقولوله التليفون ده مبلغ عنه و مطلوب فورا يا اما فيها حبس و معاهم اسمه بالكامل و رقم بطاقته في اغلب الاحوال بشكل ودي جداً الي واخد الموبايل سواء هو السارق او حد غلبان اشتراه من الحرامي و ميعرفش في الحالتين بيجيبه فوراً متترددش و ساعتها هتلاقي امين شرطة بيكلمك

تروح تستلم بعد حوالي شهرين لـ ٣ مثلا انت و حظك،  اما لو حضرتك حابب تتابع توجه لقسم الشرطة

تاخد منهم الرقم السري ورقم المحضر و يدلوك تتابع  مع انهي نيابة بتروح للنيابة دي تديهم الرقم يقولولك حالة الكشف ايه

(مثلا فودافون ردت رد سلبي اتصالات سلبي اورانج و وي لسة ، لحد ما حد فيهم يرد ايجابي)..

ساعتها هتلاقيهم لوحدهم يكلموك ويضبط معاك معاد ومكان تروح تستلم موبيلك  تروح و بتقابل الشخص اللي معاه التليفون في المكتب

عند أمين الشرطة في النيابة و بتعامله بأدب و احترام

(اهم حاجة عندك تليفونك يرجع مش رايحين نتخانق ولا نشمت في حد جايز ميكونش هو اللي سرقه و يكون مظلوم زيك اشتراه من واحد نصاب)

و لو مش عاجبك حالته حقك ترخم عاللي شايل التليفون وتطلب تعويض عن استهلاكه

(بس انا حمدت ربنا بصراحة واكتفيت بالتليفون زي ما هو) و بس بتمضي استلام وإغلاق محضر و بعد كدة الأمين بياخدك انت و اللي كان معاه التليفون و يدخلكم لوكيل النيابة لتأكيد عملية الاستلام والوكيل ساعتها يتأكد انك حقك يرجعلك ويحذر اللي كان معاه التليفون يشتري موبايل بدون علبة أو مجهول المصدر .

الموبايل رجع الحمد لله وبدون مدفع ولا مليم ولا أي وسائط ..

متسيبش حقك متتعصبش ولا تستسلم و اعمل اللي عليك و أرضى بنصيبك في كل الاحوال و ان شاء الله خير.. نصيحة مهمة بقي،

لما يرجع الموبايل ان شاء الله ما تنساش تعمل ضبط مصنع وانت واقف و تفتح جوجل أكاونت بحسابك لان لما عملتله ضبط طلع عيني عشان كان متسجل بحساب اللي كان شايله قبلي،

و أهم نصيحة انك متكسلش و متستسلمش و اي حد تعرفه موبايله ضايع تشجعه يرجعه لأن لو كل واحد فينا نفذ الاجراءات دي و رجع تليفونه هنقضي على فكرة سرقة التليفون نهائي واي حد هيفكر يسرق تليفون هيكون عارف انها ملهاش لازمة و هسيبه مكانه .

كل التوفيق لكم 😊💪💪

أرقام مباحث التليفونات العامة:

 

  • 25771755 / 25798166
  • ممكن تكلم الشرطة او ١٤٠ هيدلك على اقرب  مباحث تليفونات تتوجه لها و مواعيدها ايه

 

خصصت مباحث التليفونات للإبلاغ عن الشكاوى والمضايقات والمعاكسة:

 

  • 02-25762846 – 02-25771755 – 02-25760502.
  • رقم مباحث تليفونات شرق القاهرة: 22904224

 

عنوان مباحث تليفونات شرق القاهرة: في مبنى سنترال الماظة الدور الرابع، قدام كوبري النزهة

أخطاء تقوم بها عند سرقتك هاتفك

 

  • متكلمش اي حد متعرفوش يرجعهولك علشان دول نصابين و عاوزين أي سبوبة و خلاص و هياخد منك نسبة وممكن اصلاً بعد ما يرجع يقولك للاسف مفيش و يكون خده هو، وكدة كدة مش هيعمل اكتر من اللى انت هتعمله،
  • انا رجعت الموبايل بدون ما ادفع مليم وبدون اي واسطة (مش هتفيد في شي لان الموضوع روتيني جدا طالما دخل النيابة خلاص هيمشي زيه زي غيره) ..

 

 

‫0 تعليق

اترك تعليقاً